Med liv og lyst skal me 10. september kl 19 gå laus på handlingsplanane som bygdefoklet lagde før sommaren. Berekraftig bygd, turløyper, bygdelagskafe, nubbesildfestival – dette er berre nokre få av forslaga som kom på veggen då me inviterte til idedugnad.

Denne kvelden fokuserer me på berekraftig bygd og naturglede, og tek gjerne i mot fleire idéar. Det blir kveldsmat, god preik, tips og idear frå Berekraftige Liv i Meland, og ei kjekk stund i sosialrommet i Storstova.

Ta med nokon du likar, og kom!

Helsing Bygdelaget 5915

Sofie Romarheim hadde ein klar idé til bygdeutvikling og kortreist glede: Meir leikestativ på 5915.

Sommarklubb for born som kjedar seg i ferien, redesign om omsying av gamle kler, bygdekafé og berekraftig bygd var nokre av idéane som kom opp på veggen og fekk handlingsplanar.

Hilde Alvær Hagesæter (tv) og Kristin Rongevær serverte kortreiste vårrullar og gode kaker til deltakarane på bygdesamlinga.

Midt i ringen av folk var det lov å hiva seg inn for å skriva opp idéar, som seinare skulle diskuterast nærmare.