Nasjonaldagen er tradisjonen tru dagen for tildeling av Gladihaugpokalen, og i år var det Randi R. Hopsdal som fekk den gjeve utmerkinga, etter 188 turar.

Reglane seier at det berre skal vera råd å få pokalen éin gong. Denne gongen var det tre personar på topplista som er tidlegare vinnarar, og den ivrigaste var i 2020 som året før, Vidar Hopsdal med 210 turar.

Den neste på lista er Cecilie Selvik med 197 turar, men Cecilie fekk pokalen for året 2017. Dermed blir  det berre trimmen og treningsgleda som er premien for henne også.

Med fjerde beste resultat kjem Lars Kåre Eikrem med 174 turar, og deretter har Steinar Hopsdal notert navnet sitt 147 gongar i Gladihaugboka. Geir Ove Hopsdal har 136 turar, og Arne Hopsdal har 73 turar.

Gratulerer til spreke Randi og alle andre som toppar Gladihaug-lista!